आपल्या आजूबाजूला दोन्ही बाजूने बोलणारी माणसे असतात.

आपल्या आजूबाजूला दोन्ही बाजूने बोलणारी माणसे असतात.

सुलभा घोरपडे

असे म्हणतात ज्या दिवशी आपण जन्माला आलो , त्या दिवसापासून समाजात टिकाकार जन्माला आले. आपण कसेही वागलो तरी लोक चारी बाजूने बोलत असतात.

* एखाद्या संसार चांगला करत असेल तर, याने संसाराचा पसारा मांडलाय, नुसता संसारात बुडाला आहे.
* संसार सोडावा तर , आळशी म्हणतात .
* काही चांगले सांगायला गेले तर, लागली उपदेश करायला, असे म्हणतात.
* पैसा कमवायला लागले तर, पैशाच्या मागे धावतोय. खूप कमवला तर , पैशाचा माज आलाय.
* पैसा नाही कमवला तर, करंटा म्हणतात.
* जास्त बोलणारा ( बोलणारी) असेल तर, वाचाळ, बडबडी म्हणतात .
* कमी बोलत असेल तर , गर्विष्ठ म्हणतात .
*एखाद्याच्या घरी सारखे जात असेल तर, याने( हिने) येउन जाउन घराचा उंबरा झिजवला.
घर बुडवले.
* कोणाच्या घरी जाणेच नसेल तर, त्याला( तिला ) रितभात नाही , निष्ठूर म्हणतात .
* लग्न केले , फार मुले झाली तर, पोरवडा माजवला म्हणतात .
मुलच नसेल तर , निपुत्रीक म्हणतात .
* कोणी जास्त खर्च करत असेल तर, उधळ्या ( उधळी) म्हणतात .
* कोणी बचत , कमी खर्च करत असेल तर, चेंगूस ( चेंगट) म्हणतात.

अशा प्रकारे बोलणारे लोक आपल्या आजूबाजूला असताना आपल्याला कस वागावे हे समजत नाही .प्रत्येकजण बरे वाईट मत प्रदर्शित करत असते . या दुतोंडी समाजात आपण कसेही वागलो तरी , टीका होतच राहणार.

लोक आपल्याला नावे (निंदा ) ठेवतील म्हणून कित्येकांची स्वप्न अपूर्ण राहतात.

लोकांच्या विचार करण्यापेक्षा , आपण कसे आहोत हे आपल्याला माहिती असते .

अशा लोकांना किती महत्त्व द्यायच हे आपणच ठरवायला हव ना?
कोण काय म्हणते त्यापेक्षा आपल्याला काय वाटते हे महत्त्वाचे .
आपण सगळ्यांना खूश ठेवू शकणार नाही .आपले आपण खूश कस राहायच हेच पाहाव.

एकूण काय तर , कुछ तो लोग कहेंगे ; लोगों का काम है कहना . छोडो संसार कि बातो को….बस तूम खूश रहना!