सत्यघटनेवर आधारित..स्त्री आणि मानसिक धक्का !

कालच आमच्या कडे आधी काम करणाऱ्या पोळीवाल्या मावशी भेटल्या होत्या,  खूप दिवसांनी भेटल्या , त्यांच्या चेहऱ्यावर आणि माझ्याही चेहऱ्यावर तेवढाच आनंद , म्हणले कशा आहात मावशी , किती खराब झाल्या आहात,

काय सांगू ताई, जावई गेला मागच्यावर्षी , पोरगी अजून त्या धक्क्यातून सावरतच नाही हो, नातवंड लहान आहेत , त्यांची शिक्षण , पोरींनी सावरले पाहिजे हो, 

मी तिला दिलासा द्यायचा म्हणून म्हणले सावरेल हो सावरेल, पण त्यांना निरोप देऊन पुढे आले आणि सुन्न झाले , ओकसा बोक्शी मीच रडले ,

माहेरून स्त्री ज्याच्या भरवशावर जाते , जो सुख दुःखात साथ देतो , जिथे शरीर आणि मन यांचे मिलन होते , कितीही भांडणे , वाद झाली तरी ते सगळे विसरून संसाराचा गाडा पुढे ढकलत असतात , पटो न पटो जगाला दाखवून देत नाहीत , ही सगळी तडजोड करीत आयुष्य जात असते आणि अचानक असा नवरा सोडून जातो , मग कधी इथे जसे झाले की आयुष्यच संपले त्याचे ,  तर कधी नवरा आपल्या बायकोला सोडून देतो , तेव्हा स्त्री या धक्क्यातून खरच बाहेर पडू शकत नाही, आपल्या नवऱ्याची साथ संपली हे कटू सत्य पचविणे खूप अवघड जाते , आणि ती या धक्क्यातून सावरेल तेव्हाच मुलांकडे बघू शकेल ना!! तेव्हाच कुठे आर्थिक स्थैर्य मिळविण्याकरिता, पोटापाण्याकरिता धडपड करेल

आणि यातून बाहेर पडन्याकरिता वेळ हेच उत्तम औषध , आणि ठामपणे तिच्या पाठीशी लागणारा कोणाचा तरी आधार

स्त्री आपल्या नवऱ्याचे दूर जाणे हा मानसिक धक्का पचवून , कोलमडलेल्या अवस्थेतून बाहेर पडणे हे खरच खुप अवघड आहे

काही स्त्रिया मुळातच स्ट्रॉंग असतील , मग मानसिक , शारीरिक आणि आर्थिक दृष्ट्या असतील तर त्यांना हे धक्के फार हादरवून टाकत नाहीत ,

पण मुळातच स्त्री ही नाजूक , पुरुषापेक्षा हा । हळवी आणि जेव्हा पुरुषाला आपले सर्वस्व देते तेव्हा त्यात प्रचंड गुंतलेली अशी असते,

खंबीर साथ आणि वेळच उपाय , आशा कित्येक स्त्रिया आहेत ज्या या मानसिक धक्क्यातून सावरू शकत नाहीत, पण याची जाणीव पुरुष आणि जवळच्या नातलगांना कितपत असते माहिती नाही , असते का नाही तेही नाही माहिती,

अलका मावशी होईल हो सगळे बरे , सावरेल लेक तुमची , तुम्ही पाठीशी राहा खंबीर !

***