माणूस असेपर्यंत कदर केली जात नाही आणि गेल्यानंतर गुणगान गायले जाते…असे का बरे..?

माणूस असेपर्यंत कदर केली जात नाही आणि गेल्यानंतर गुणगान गायले जाते…असे का बरे..?

जन्म-मृत्यू हे चक्र कोणाला चुकलेले नाही.जो जन्माला येतो, तो कधी ना कधी जाणारच असतो…मृत्यू पावणार असतो.फक्त प्रत्येकाची जन्म-मृत्यू ची वेळ वेगवेगळी.जन्मापासून मृत्यूपर्यंतचा प्रवास म्हणजे आयुष्य. आणि ह्या प्रवासात प्रत्येक माणसाला अनेक माणसे भेटतात.

आणि आयुष्य त्या त्या प्रमाणे बदलत जाते.प्रत्येक जण वेगवेगळा. प्रत्येकाचे स्वभाव विभिन्न.आणि ह्या सगळ्यात सर्वात महत्वाचे ठरते ते म्हणजे ‘माणसाचे वर्तन’.माणूस दुसऱ्या माणसाशी कसा वागतो हे फार महत्वाचे ठरते.ह्या लेखात आपण एका कॉमन मानसिकतेविषयी बोलणार आहोत.आणि ती मानसिकता म्हणजे : ‘माणूस असेपर्यंत कदर केली जात नाही आणि गेल्यानंतर गुणगान गायले जाते…’.का बरे असे अनेकदा घडते?

ह्या अनेक, विविध कारणे आहेत.जो पर्यंत एखादी व्यक्ती जगात असते, आपल्या अवती भवती असते, तो पर्यंत आपल्याला त्या व्यक्तीचे खरे महत्व असतेच असे नाही.कदाचित आपण त्या व्यक्तीला गृहीत धरलेले असते.ती व्यक्ती आपल्या सदैव उपयोगी पडते,आपल्यासाठी नेहमी उपलब्ध असते,त्यामुळे तिला गृहीत धरून चालण्याचे प्रमाण वाढते.आणि जेव्हा ती व्यक्ती कायमची निघून जाते तेव्हा तिची आठवण काढून गुणगान गायले जाते.

आपल्यामधील काही व्यक्ती खूप अहंकारी असतात.त्यांच्या अवती भवती ज्या काही चांगल्या व्यक्ती असतात, त्यांची स्तुती करणे, त्यांचे धन्यवाद मानणे ,त्यांना कमी पणाचे वाटते.त्यांनी त्यांच्यासाठी किती जरी केले तरी ते स्वीकारत नाहीत आणि ‘Thank You’ म्हणण्याची तसदी देखील घेत नाहित. त्यांचा हा अहंकार कायम राहतो.आणि जेव्हा ती व्यक्ती जाते तेव्हा मात्र मग इतरानजवळ हीच माणसे त्या व्यक्तीचे अगदी पोवाडे गातात.