सत्र सतरावे :- सतत शारीरीक दुखणं असल्याची तक्रार (Pain Disorder)

लक्षणे :
१) या आजाराने ग्रस्त व्यक्ती सतत शारीरिक दुखण्याची तक्रार करीत असतात, या दुखण्यामुळे त्यांच्या दैनंदिन जीवनाला गळती लागते.
२) शारीरिक दुखणं वारंवार डॉक्टरांकडे जाणे, विविध तपासण्या करणे, सारखी औषधे किंवा पेन किलर्स घेणे हे त्यांचे सतत सुरूच असते.
३) कितीही तपासण्या केल्या तरीही शारीरिक पातळीवर व्यक्तीस कोणतीच व्याधी दिसून येत नाही किंवा काही आढळलेच तर ते फार किरकोळ असते.
४) त्यांच्या शारीरिक दुखण्याकडे एका ठराविक परिस्थितीनंतर कुटुंबाने दुर्लक्ष केल्यास त्यांच्याठिकाणी कमालीची अस्वस्थता जाणवते.

कारणे :
१) हा मानसिक आजार होण्याआधी प्रचंड अस्वस्थता, निराशा, डिप्रेशन, एकाकी वाटणे, दूर सारल्याची भावना इ. एकत्रीत घटक जबाबदार असू शकतात.
२) अनुवंशिकतेमार्फत एका पिढीपासून दुसऱ्या पिढीकडे हा आजार संक्रमित होऊ शकतो.
३) बालपणापासून सभोवतालीन वातावरणामध्ये जर कोणालाही हा आजार होताना पाहून व्यक्ती मोठी झाली असेल तर तिच्या ठिकाणी मोठेपणी हा आजार येण्याची शक्यता वाढते.

उपचार :
१) या आजाराची कारणे शोधण्यासाठी अबोध मनात दडलेल्या कप्याचा अभ्यास करण्यासाठी स्पप्न विश्लेषण हे उपचार तंत्र उपयुक्त ठरू शकते.
२) व्यक्तीला तिच्या आजाराची जाणीव करून देऊन तार्किक दृष्टीने पाहण्यासाठी प्रोत्साहीत केले जाते.
३) CBT, REBT, Existential Therapy इ या सायकोथेरेपीचा फार मोठा फायदा या व्यक्तींवर होतो.
४) तसेच मेडिटेशन व रेलॅक्सेशन ने व्यक्तीला तिचे मन नियंत्रणात आणून देण्यास मदत होते.