“बोला, काय त्रास होतोय?..”
“डॉक्टर, खूप डिप्रेशन आलं आहे, कसलाच उत्साह राहत नाही, काहीच करायची इच्छा होत नाही…”
“काही विशेष कारण? एखादी वाईट घटना??”
“नाही डॉक्टर, अगदी सुरळीत आहे सगळं…घरकामाला बाई आहे, मुलगा 8वीत शिकतोय, नवरा प्रेमळ आहे…तरीही का असं होत असेल??”
“ठीक आहे तुम्ही बाहेर जा, मी तुमच्या मिस्टरांशी बोलतो जरा…
डॉक्टर ने सांगितलं तसं शिल्पा बाहेर गेली….
डॉक्टर अजय ला विचारू लागले…
“तुम्हा दोघांत काही वाद?? काही भांडणं??”
“अहो सांगतो काय डॉक्टर, आमच्यात कसलाही वाद नाही की काय नाही, पण ही सतत चिंतेत दिसते, कसलाही उत्साह नाही तिला…तिची ही अवस्था बघून मलाच खूप काळजी वाटली म्हणून तिला तुमच्याकडे घेऊन आलो…”
“बरं मला शिल्पा चा दिनक्रम सांगा….”
“सकाळी उठते, चहा बनवते, मग स्वयंपाकिन येऊन नाष्टा, जेवण बनवते, कामवाली घरातला झाडू पोचा भांडी कपडे आवरून घेते…त्यावेळात शिल्पा मोबाईल वर काहीतरी बघत टाईमपास करते… मग tv बघते…तिला म्हटलं नोकरी कर, मन रमेल तर तेही नाही म्हणते…”
“इतका राणीसारखा थाट असून शिल्पा ला कसलं डिप्रेशन??” डॉक्टर विचार करू लागले…
“ठीक आहे मी काही गोळ्या देतो, त्या घ्यायला लावा आणि 8 दिवसांनी परत या…”
शिल्पा आणि अजय निघून गेले. शिल्पा चा मोबाईल टेबल वरच राहिला होता…डॉक्टरांनी कंपाउंडर ला फोन केला पण तोवर ते दोघे निघून गेले होते….
डॉक्टर विचात करत बसले, ही केस जरा वेगळी दिसते, कारण कारणाशिवाय कोणी डिप्रेस होत नाही.
अजय ने शिल्पा चा सांगीतलेला दिनक्रम डॉक्टरांनी आठवला..
डॉक्टरांना लक्षात आले की यासगळ्याचं मूळ हा मोबाईल आहे…असं काय होतं असं त्या मोबाईल मध्ये? कोणाचा फोन येत असेल का? कोणी त्रास देत असेल का??
कारण शिल्पा जास्तीत जास्त वेळ मोबाईल मध्ये असायची, घरात करण्यासारखी काही कामं नव्हतीच…
डॉक्टरांनी शिल्पाचा मोबाईल चेक करायचा ठरवला…
तसं पाहिलं तर दुसऱ्याचा मोबाईल बघणं हे चुकीचं होतं पण शिल्पा च्या उपचारासाठी ते करावंच लागणार होतं…सुदैवाने मोबाईल ला कसलंही लॉक वगैरे नव्हतं…
डॉक्टरांनी व्हाट्सएप चालू केलं… सर्च बॉक्स मध्ये त्यांनी काही शब्द टाकले…
“त्रास”, “वाईट”, “दुःख”, “एकटेपणा”….
या संदर्भातील कुठलाही मेसेज आढळला नाही…
डॉक्टरांनी काही वेळ विचार केला..मग त्यांनी टाइप केलं..
“मज्जा”, “भारी”, “लकी”….
अश्या शब्दांचे भरमसाठ मेसेज सापडले…त्या मेसेज मध्ये रेखा, माधुरी, प्रेरणा आणि नम्रता अशा चार मुलींशी जास्त चॅटिंग झालेली….
नंतर डॉक्टरांनी फेसबुक ओपन केलं…त्यात ऍक्टिव्हिटी लॉग चेक केला…त्यातही या चार मुलींची प्रोफाइल आणि फोटोज बघितलेले….
काय संबंध होता या चौघींचा आणि शिल्पा च्या डिप्रेशन चा??
खूप विचाराअंती डॉक्टरांना काय समजायचं ते समजलं…इतक्यात दार वाजले, डॉक्टरांनी मोबाईल चे current apps पटापट बंद केले…शिल्पा आणि अजय आत आले, मोबाईल राहिला म्हणून घ्यायला आले, मोबाईल घेऊन परत गेले..
डॉक्टरांना त्या चौघींची नावं आणि फोटो चांगले लक्षात राहिले होते…
त्यांनी त्यांचा फोन फिरवला…
“शिंदे, जरा वेगळं काम आहे….” असं म्हणत डॉक्टरांनी शिंदे ला (कंपाउंडर ला) एका वेगळ्या मिशन वर धाडलं…
8 दिवसांनी शिल्पा आणि अजय परत आले…
“गोळ्यांनी काही फरक??”
“झोप जास्त येते,बाकी काही नाही…”
डॉक्टर उठले, त्यांचा खुर्चीमागे जाऊन हात खुर्चीच्या डोक्यावर टेकवत बोलू लागले…
“शिल्पा..तुझ्या मैत्रिणी रेखा,माधुरी, प्रेरणा आणि नम्रता…या जगातल्या सर्वात सुखी मुली आहेत असा तुझा गैरसमज असेल तर तो काढून टाक…”
खाली मान घालून बसलेली शिल्पा चक्रावली, एकदम मान वर करत म्हणाली…
“तुम्हाला कसं माहीत त्या माझ्या मैत्रिणी आहेत ते????”
अजय आणि शिल्पा अवाक होऊन बोलत होते…
“तुझा मोबाईल इथे राहिला होता, तुझी केस पाहता मला तो मोबाईल चेक करणं आवश्यक होतं…
तू कायम या चार मैत्रिणींसोबत स्वतःची तुलना करत आली आहेस…कॉलेज मध्ये तुमचा ग्रुप होता…तू चौघीत सर्वात हुशार…सर्वात सुंदर…लग्न झाली तशा चौघींच्या वाटा वेगळ्या झाल्या…
रेखा…नवऱ्यासोबत अमेरिकेत आहे…तिथले तोकड्या कापड्यातले फोटो ती सतत फेसबुक, व्हाट्सअप वर टाकत असते…तू सतत ते बघत स्वतःशी तुलना करतेस की मला का नाही असं जाता आलं परदेशात?? आतल्या आत कुढत त्यांना नको असतांना कंमेंट करतेस…”मज्जा आहे तुझी” , “भारी फोटो आहे” , “लकी आहेस” वगैरे….
माधुरी, एका कंपनीत मॅनेजर…आपल्या कंपणीतले सर्व इव्हेंट्स ती सोशल मीडिया वर टाकते, तू सतत ते बघत विचार करतेस की मला का नाही मिळवता आली ती पोझिशन?? मी सर्वात हुशार आहे पण लहान शहरात असल्याने मागे पडलीये का मी??
तसंच प्रेरणा आणि नम्रता चं…त्यांचे सततचे पिकनिक चे फोटो पाहून तुला वाटतं की आपल्या आयुष्यात का नाही असे क्षण??
तू त्यांचा नजरेतून स्वतःला बघतेस, त्यांना माझ्याबद्दल काय वाटत असेल? मी अशी घरी बसलेली, लाचार, कुढत जगणारी…अयशस्वी…दुबळी…मग अजय सोबत मन मोकळं करायलाही तू घाबरायचीस…कारण तो तुझ्यावर खूप प्रेम करत होता आणि त्यालाही तुला तुझ्या अपेक्षा लादून दुखवायचं नव्हतं… मग आतल्या आत कुढत तू डिप्रेशन स्वतःवर लादून घेतलंस….
शिल्पा च्या चेहऱ्यावर अपराधीपणाचे भाव उमटले, डॉक्टर शब्द न शब्द खरं बोलत होते…
“आणि ऐक, शिंदे कडून मी त्यांची वरवर माहिती काढली…ज्या रेखाच्या परदेशातील वास्तव्यावरून तुला हेवा वाटायचा…तिला एक असाध्य आजार आहे…रोज ती आजाराशी झगडत आहे…माधुरी… मॅनेजर असूनही तिच्या नवऱ्यावर तिला कंट्रोल ठेवता आलं नाही, तिचा नवरा बाहेर कुठल्यातरी मुलीत अडकला आहे….प्रेरणा अपत्यासाठी वणवण डॉक्टर वाऱ्या करते आहे आणि नम्रता कौटुंबिक हिंसाचाराला बळी पडली आहे…या चौघी आपलं वरवरचं आयुष्य सोशल मीडिया वर टाकताय…त्या खालचं जळजळीत वास्तव कोण कशाला जगासमोर दाखवेल???
तू स्वतःच्या नजरेतून स्वतःकडे बघ…
जगात तुझ्याहून सुखी कोण आहे?? कौटुंबिक हिंसाचार तर लांबच…इतका प्रेमळ आणि प्रामाणिक .
१) सतत पॉझीटीव्ह
कितीही वाईट घडो, नेहमी पॉझीटीव्हच रहायचं!
उदा. “एक डोळा गमावला पण दुसरा डोळा शाबुत आहे,” ज्यामुळे मी हे सुंदर जग पाहु शकतो, देवाची किती कृपा आहे.
प्रत्येक अपयश मला एक संधी देऊन जात आहे.
उदा. जेव्हा लोक आपल्याला टाळतात, आपल्याकडे बघुन नाकं मुरडतात, तेव्हा तर अधिकधिक आकर्षक दिसण्याबद्द्ल, आपण जागरुक होतो.
आपली मस्करी उडवली की, आपला कोणी कळत नकळत अपमान केला की, आपल्यातल्या महत्वकांक्षा जागृत होतात.
२) प्रेमात पडा
आयुष्यात पोकळी आणि निराशा आली की एक असं पॅशन शोधावं, ज्यासाठी संपुर्ण आयुष्यच पणाला लावावं.
पॅशन म्हणजे अशी एखादी गोष्ट जी गोष्ट न थकता, अगदी उत्साहाने, महिन्याचे तीस दिवस, दिवसातल्या दहा-बारा तासाच्या वर आपण ते करु शकतो, ह्याला म्हणतात पॅशन!
त्या गोष्टीसाठी अक्षरशः आयुष्य झोकुन द्यावं. अगदी स्वतःला विसरायला लावतं, तेच खरं पॅशन!
कोणासाठी व्यापार हे पॅशन असेल, कोणासाठी खेळ हे पॅशन असेल, कोणासाठी भटकंती हेच पॅशन असेल.
त्याच्याशिवाय आपण जगु शकत नाही, आणि ,मग एके दिवशी जगही आपल्याला त्या एकाच गोष्टीसाठी ओळखु लागतं.
सचिन-क्रिकेट, धीरुभाई-रिलायन्स, अमिताभ-एक्टींग, लता मंगेशकर-गायन, मोदी-नेतृत्व, पटनायक-वाळुची शिल्पे, प्रकाश आमटे-आनंदवन, श्रीश्री रविशंकर गुरुजी – आर्ट ऑफ लिविंग, स्टीव्ह जॉब्ज-गॅझेट्स,
ह्या यादीत आपलंही नाव येऊ शकतं, आपणही आपल्या पॅशनसाठी वेडं बनलो तर!….
३) महिन्याला दोन पुस्तके
माझ्या आयुष्यातल्या अत्यंत वाईट आणि पडत्या काळामध्ये मला फक्त आणि फक्त चांगल्या विचारांच्या पुस्तकांनीच तारलं, नाहीतर कदाचित मी आज हा लेख लिहायला शिल्लकच राहीलो नसतो, इतके पुस्तकांचे माझ्यावर अनंत उपकार आहेत.
महिन्याला कमीत कमी दोन तरी चांगली पुस्तके तरी वाचुनच काढेन आणि त्यातल्या चांगल्या गोष्टी तात्काळ जीवनात आणेन, हा चंगच बांधावा, आपोआप जे जे हवे ते सारे मिळत जाते, हा माझा स्व-अनुभव आहे.
४) टी. व्ही, मोबाईल ला बायबाय
निराशा आणि मानसिक आजार यांना आमंत्रण देण्यामध्ये, टी.व्ही., मोबाईल ,सोशल मिडीया, यु ट्युब, मुव्हीज पाहणे, हे सगळे कारणीभुत ठरतात, यांच्यापासुन स्वतःला दुर ठेवा.
आज मी दिवसातला फक्त एक तास, किंवा तासातले फक्त दहा मिनीटंच ह्या सगळ्यांना देईन, असं दिवसाच्या सुरुवातीलाच स्वतःला सुचना द्यायची, आणि हळुहळु आपला त्यातला इंट्रेस्टच कमी होत जातो.
५) डायरी लिहा
दररोज घडलेल्या बर्‍या वाईट घटना आपल्याला बहुमुल्य अनुभव देऊन जातात, त्यांना शब्दबद्ध करत गेलं की जगण्याची रंगत वाढत जाते.
माझ्या मनात चाललेले द्वंद बाहेर काढण्यासाठी मला ह्या डायर्‍यांनी खुप मदत केली. झालेले अपमान, आलेले अपयश, भविष्याच्या चिंता, मनाचं रिकामपण, सगळी मळमळ मी बाहेर काढली, आणि प्रत्येक जखम डायर्‍यांमध्ये जपुन ठेवली, आणि शहाण्या बाळांसारखं त्या सर्वांनीही मला त्रास देणं बंदच करुन टाकलं.
आजही माझ्या कॉम्पूटर मध्ये मी स्वतःलाच लिहलेली शेकडो पत्रं आहेत, जी वाचुन मला आता खुप गंमत वाटते. कधी छोट्यामोठ्या कारणाने मी खचलो की ते वाचुन प्रचंड बळ मिळतं. बॅटरी पुन्हा टणाटण चार्ज होते.
६) जे सुरु केलंय त्याचा शेवट करा
हातात घेतलेलं काम पुर्ण करायचं म्हणजे करायचं!
मनावर विजय मिळवण्यासाठी मनाचाच वापर करायचा, काम सुरु होतानाच असं भासवायचं की ते पुर्ण झालेलं आहे,
आणि मन गोंधळुन जातं आणि ते पुर्ण करुनच एका जागेवर शांत बसतं!
‘आसान है’ हा यशाचा मुलमंत्र नेहमी लक्षात ठेवायचा!
७) कंफर्ट झोन तोडा. नवी आव्हाने स्वीकारा*
तु मागच्या एक महिन्यामध्ये अशी कोणतीही एक गोष्ट केलीस का, जे तुला येत नाही, जे करण्याची तुला भिती वाटते?
मी असा वेडेपणा खुपदा केलाय, मला पेंटींग येत नसताना मी माझ्या ऑफीसला स्वतःच्या हातानी पेंट दिला.
मागच्या वर्षी, माझी खरी ओळख लपवुन मी गावाबाहेरच्या एका सुताराच्या हाताखाली मी एक आठवडा रोज चार तास हेल्पर म्हणुन काम केलं.
दिवाळीच्या सुट्ट्यांमध्ये मी बॅग भरुन घराबाहेर पडलो, पण मी कुठे जाणार मलाच माहित नव्हते, त्या पाच दिवसात मी अनेक गडकिल्ले भटकुन आलो. अनेक थरारक अनुभव घेतले, स्वतःसोबत घालवलेले ते पाच दिवस मी कधीही विसरणार नाही.
नवरात्रीमध्ये उजनी-तुळजापुर हे सदतीस किलोमीटर अंतर मी एका रात्रीत चालत गेलो, तो ही एक आनंददायी आणि अविस्मरणीय अनुभव होता.
८) कमीत कमी तीस मिनीट व्यायाम
मनाला ताजंतवाणं ठेवण्याचा हुकुमी एक्का आहे, शरीराला व्यायाम करायला भाग पाडायचं, मन आपोआप ताळ्यावर येतं!
जगातल्या प्रत्येक यशस्वी व्यक्तीला हे सुत्र माहित आहे.
९) ध्यान, सर्व समस्यांवर रामबाण उपाय
तुझं शारीरीक व्यंग हे तुझ्या आयुष्यात कधीही अडथळा बनु शकत नाही, कारण तु म्हणजे तुझं शरीर नाहीस!
खरा तु तर वेगळाच कोणीतरी आहेस, हे तुला ध्यान करायला लागलं की आपोआप उमगत जाईल.
आतापर्यंत केला नसशील तर एकदा आर्ट ऑफ लिविंगचा हॅपिनेस कोर्स नक्की कर.
१०) महिन्याला एक वाईट सवय सोडा
आपल्या प्रत्येकामध्ये वाईट सवयी असतात, मी एका महिन्याला एक वाईट सवय सोडायची आहे, आणि एक चांगली सवय जोडायची आहे, असं प्रत्येक महिन्याच्या एक तारखेला अंतर्मनाला सांगतो.
महिनाभर त्याची कसोशीने अंमलबजावणी करतो.
११) आपल्या आजुबाजुला प्रसन्नतेचा शिडकावा करा
घरातुन बाहेर पडण्याआधी एकदा आरशात बघुन स्वतःलाच वचन देतो की आज माझ्या संपर्कात येणार्‍या प्रत्येक व्यक्तीला मी आनंद आणि प्रसन्नता वाटणार आहे.
प्रत्येकाच्या चेहर्‍यावर हसु फुलवणार आहे.
कधी एखाद्या उपाशी माणसाला पोटभर खावु घालावं, कधी एखाद्या लहान मुलाशी लहान बनुन खेळावं!
कधी रस्त्याने जाताना कोणाला लिफ्ट द्यावी, कधी जोक्स सांगुन लोकांना खळखळुन हसवावे.
१२) जे मिळालयं त्याबद्द्ल कृतज्ञ रहा.
जो कृतज्ञ आहे, त्यालाच ब्रम्हांड अजुन जास्त भरभरुन देतं, हेच सिक्रेट आहे.
आपल्याला मिळालेल्या दहा वरदानांबद्द्ल रोजतुला मिळालाय…निरोगी शरीर मिळालं आहे..
सदर लेख हा सोशल मीडियावर कॉपी-पेस्ट असून आम्ही आमच्या पातळीवर या लेखाचा खरा चेहरा शोधण्याचा प्रयत्नही केला. शेवटी उत्तमोत्तम लेख आणि सेवा वाचक रसिकांपर्यंत पोहोचावी यासाठी नाईलाजाने असा मार्ग अवलंबावा लागत आहे. वाचकांपैकी जर कोणाला खरा लेखक समजल्यास कृपया माहिती द्यावी. धन्यवाद!
Online Counseling साठी !
रोजचे नवीन लेख वाचण्यासाठी किंवा रोजच्या अपडेटसाठी खाली दिलेल्या Whasapp आणि Telegram वर क्लिक करा!? ?
Whatsapp | Telegram
ज्यांची मुले ५ वीच्या पुढे शिकत आहेत, त्या सर्व पालकांनी रोजच्या अपडेटसाठी खाली दिलेल्या whatsapp आणि Telegram वर क्लिक करा!? ?
Whatsapp | Telegram